Нымъёлгык Тымлат нэплиткунэв’ йиплэпав’гиӈо кымиӈыванэн

Нымъёлгык Тымлат нэплиткунэв’ йиплэпав’гиӈо кымиӈыванэн

15.10.2021 09:25:26 (GMT+12)

Нымъёлгык Тымлат нэплиткунэв’ йиплэпав’гиӈо кымиӈыванэн
Ыннею вэтгиӈо нэтэйкынэв’ тайкыёлӄылэпыӈ инэллэчг’ин крайик «Мыткотанвэтгыӈлаӈ омакаӈ». Тит нымэлӄин ваны ныг’итики гэвэгиӈын наяван тэйкык вэтгиӈо: тантэнмыӈкы ваны, нучельӄыкинэв’ вэтгиӈо, нантыванав’ уйичвэткинэв’ явэнаӈо, эекэв’ то вагалитӄыёлго.

Йинтыватык уйичвэтваны наяванав’ 12,2 миллионав’ пылв’ынто, 4,4 миллионав’ эллай в’эннятгиӈо краевой бюджетыӈӄо, то ӄуччев’ чининкинэв’ местный пылв’ынтыёчгыӈӄо. Ымыльг’ыӈ ваны китыӈ 1257 кв. м. ӄутин гивик инэллэчг’э в’уйвык амъел наянмитг’атавэкэ ыннин кымиӈычгин ваны.

Камчаткак амъел накояёг’ыӈын тайкыён «Мыткотанвэтгыӈлаӈ омакаӈ». Юнэтылг’э крайик льгичейпыйиг’илгык 2020 гэвэгиӈык, эняечема натвынав’ вано, меӈию нэг’уев’нэв’ ыйик нымъёлгык. В’утин гивик нэеплиткуӈнэв’ 75 нытуйӄинэв’ вано: 26 паӈав’ъйийкинэв’ вано, 16 спортакенав’ вано, 10 ӈайӄыёчго, 9 кымиӈычгин вано то ӄуччев’.

В’уткекьйит панэнатвылай эначгыпавылг’о инэллэчг’ин то Инэллэиччетин Камчатский крайик.

Эняннимэв’нэн С. Тынанто